Die Hoërskool Velddrif is ‘n Afrikaanse gekombineerde hoër – en laerskool met ‘n leerdertal van ongeveer 460.  Dit is geleë op die dorp Velddrif, ongeveer 140km Noord van Kaapstad waar die Bergrivier in die Atlantiese Oseaan uitmond.

Die skool beroem homself daarop om onderwys te verskaf op ‘n suiwer Christelike grondslag aangesien dit die wese vorm van ons menslike bestaan en die bron is van ons toekomsverwagting.

Die opvoeders van die skool stel hulle dit ten doel om leerders so toe te rus sodat hulle nie net in hierdie veranderende wêreld waarin ons leef sal oorleef nie, maar ook om ‘n sinvolle bydrae te lewer tot ‘n beter samelewing.